Meer oor Ons

Ons offer:

Ons missie:

om elke kleuter 'n kleuterskool ervaring te bied vol goeie en liefdevolle herhinneringe.
om 'n plek te bied waar elke kleuter optimaal kan ontwikkel deur individuele aandag en 'n gevestigde uitkoms-gebaseerde kurrikulum.
om elke kleuter van Jesus te leer.
om ons kleuters in hul eie moedertaal, Afrikaans te onderrig, met Engels as 2de taal.

Ons Skoolreëls en Voorwaardes in kort:

Ons is oop vanaf 07:00 tot 17:00 elke weeksdag.
Ons is gesluit op Publieke Vakansiedae (u sal vroegtydig in kennis gestel word van datums)
Ons is heel jaar oop, insluitende skoolvakansies, behalwe die laaste 3 weke van die jaar (Desember skoolvakansie). Daar is elke jaar 1 of 2 dae, wat deur skole deurgegee word as 'n skolevakansie dag, wat deeluitmaak van Publieke Vakansie, ons sal ook op daardie datums gesluit wees, maar sal vroegtydig die datums deurgee.
Ons voorsien ontbyt, 'n gebalanseerde middagete en 'n versnappering om 15:00.
Ons forseer geen kind om te slaap of eet nie.
Ons gebruik 'n dinkstoeltjie om dissipline te handhaaf. Dit word nie die "stoutstoeltjie" genoem nie en daar is geen negatiewe konnektasie daaraan nie.
Ons kan 'n klaspartytjie tussen 10:00-10:20 hou wanneer 'n maatjie verjaar.
Ons behandel weekliks sekere temas met u kind/kinders.
Ons sal u in kennis stel indien daar enige leerareas is waar u kind nie op standaard is nie. Gesamentlik word dit dan aangespreek en word daar verwag van die ouer/ouers om ook by die huis daaraan aandag te gee. Ekstra tyd sal ook in die klas aan die probleem gegee word.
Ons doen daagliks deurlopende assessering en Vorderingsverslae sal uitgegee word aan die einde van elke kwartaal.
Ons gee aan elke kind 'n kommunikasie boekie. Hierdie boekie is die belangrikste kommunikasie middel tussen juffrou en ouer.
Ons versoek dat indien u kind 'n aansteeklike siekte of 'n slegte verkoue/hoes het, hy/sy eerder asseblief tuis moet bly.

Madeliefie Kleuterskool